Estas en:

Casa de la Llingua

La Casa de la Llingua ye la manera qu´en Corvera, y dende cuantayá, tenemos de llamar al nuestru Serviciu de Normalización Llingüística.

¿Y qué ye un Serviciu de Normalización Llingüística?

Como´l so Nome indica un Serviciu de Normalización ye aquella instancia alministrativa que s´ocupa de facer normal los usos llingüísticos que los/es ciudadanos/es tengan. Trátase d´apoyar, fundamentalmente, les llingües, les fales, que por razones históriques nun tuvieron un desarrollu "normal" y viéronse "minorizaes", ello ye, reducíes nes sos utilizaciones énte llingües o fales de mayor aquel.
La so misión nun ye, polo tanto, l´imponer nada, bien a la contra... Trátase de facilitar l´usu de la llingua pola parte d´aquellos falantes qu´a bien lo tengan, formando, informando... y al través d´una montonera d´actividaes d´ociu.
En definitiva, facer un usu desprexuiciáu de les vieyes palabres, y de toles nueves a les que tamién tenemos drechu.

La Rede de normalización llingüistica nos conceyos

La Rede de normalización llingüistica nos conceyos

Los Servicios y Oficines de Normalización Llingüística son departamentos que permiten a los conceyos dir avanzando nel usu institucional y públicu de la llingua asturiana, convirtiéndola nun instrumentu normal de comunicación na vida social municipal.

Pues empobinate a ellos pa:

 

  • Facer toa mena de suxerencies con repecto al usu y dignificaron institucional y social del asturianu.
  • Buscar asesoramientu pal usu de la llingua en cualesquier iniciativa individual o colectiva.
  • Buscar ayuda pa iguar o tornar cualesquier testu en llingua asturiana

 

985 514 601
Llunes a vienres de 9:00 a 13:00
Centru Sociocultural de Las Vegas/Les Vegues