FALLO DEL CONCURSU DE MÁZCARES Y ANTROXOS DE CORVERA. CORVERA ANTIVIRUS

Vivir en Corvera

(18/02/2021)

Un añu más, y a pesar de les circunstancies, los ya tradicionales concursos qu´entama  ´l conceyu de Corvera tuvieron inmeyorable rempuesta, con más de 150 participantes  ente toles categoríes.

Un xuráu integráu por técnicos y animadores de l´Asociación Abierto Asturias y presidíu por Manuel Ángel Díaz, axuntáu online el miércoles 17 de febreru, determinó por unanimidá conceder los premios que darréu se señalen:

Categoría A (de 0 a 5 años)

1 Premiu: Martina Pravos Fabián por "La médica Martina y les sos enfermeres de cuatro pates", prestosa semeya de tonu teatral con tres indiscutibles protagonistes: Una neña y dos mascotes... Y con ellos un homenaxe necesariu a esos superhéroes que son los sanitarios.

2 Premiu: Noa Rodríguez López "Lluchando a la contra ´l coronavirus", espectacular combate ente una lluchadora y el bichu.

3 Premiu: César Lobato Fernández por "Soi´l virus a+e (amor+empatía)".  Simpática semeya con un homenaxe positivu y de llucha 

Accésit: India Díaz Fernández como Frida Kalho..¡Y un resplandiu de colores a la contra ´l covid!

Accésit: Sara Gómez Mateus por "La Guardiana de Corvera", un senciellu pero orixinal disfraz costumizáu n´homenaxe a Corvera.

Categoría B (6 a 10 años)

1º Premiu: Olai Martín García por "Corveraman", orixinal cómic protagonizáu pol primer superhéroe corveranu antivirus.

2º Premiu: Celia Sánchez Escotet  por "Yasmine invítate al so mundu d´amor y ensin pandemia", princesa del imaxinariu disney proveniente del imaxinariu árabe... pa tolos imaxinarios.

3º Premiu: Iker  Álvarez  Sésar por "domador de dinos: si podemos con estos depredadores nun vamos poder col bichu?"

Accesit: Ángel Rodríguez  Dorta por "Transformer"

Categoría C (11 a 16 años)

1º Premiu:  Pelayo Robles Sampedro por "Gánster lluchando a la contra´l bichu", un malu combatiendo a otru peor...

Categoría Grupos

1º Premiu "¿Y tú por qué yes tan malucu?" Superproducción fotográfica con sofitu videográficu... Minipelícula de la llucha ensin cuartel que Corvera  caltien a la contra la COVID

2º Premiu: "Cuando ´l mundu ta en peligru llama a ... los neños" De nueves los neños mirando, cuidando... la ciudá.

3º Premiu "CEP Les Vegues Infantil a la contra´ l covid" Un proyectu escolar sobre´l cómic que ye, sobremanera..¡un proyectu cívicu!

Accésit 1........................... Ratatouille

Accésit 2...........................Chus, Eva, Raquel y Jorge

Accésit 3...........................Superfamilia

Accésit 4...........................Sonia, Cintia, Darío, Alejandro y el perro cookie

Accésit 5...........................Sergio y Diego

Accésit 6...........................Juego Simón 

El Xuráu agradez la collaboración de tolos/toles participantes y más nestes circunstancies tan hostiles. Asinamesmo, emponderen la orixinalidá de los mandaos, la bona calidá media de los testos qu´acompañen y la fantasía y imaxinación que siguen siendo patrimoniu de Corvera.