Octava edición del Veranu Lliterariu

Vivir en Corvera

(29/06/2019)

Octava edición del Veranu Lliterariu

L'actividá Veranu Lliterariu emprima la octava edición cola participación del escritor corveranu Berto García'l próximu llunes 1 de xunetu. Esta sesión va facese'l llunes 1 de xunetu na Biblioteca de Las Vegas/Les Vegues, dende les 11:30 a les 12:30 hores

L'actividá ye d'asistencia llibre y de baldre. Veranu Lliterariu ye una actividá de promoción y animación a la llectura de lliteratura infantil n'asturianu, organizada pola Casa de la Llingua del Conceyu de Corvera, que va desarrollase a lo llargo de los meses de xunetu y agostu na Biblioteca de Las Vegas/Les Vegues.

Tala actividá consiste n'alcuentros ente escritores y tolos/es neños/es que quieran asistir; cada escritor acerca y cuenta una de les sos producciones lliteraries a los rapacinos, n'alcuentros d'una hora de duración, que poles sos característiques dan en ser distintos y únicos. La llectura de los cuentos suel vese acompañada d'otres actividaes más, como pueden ser pintar, xuegos de memoria, cantar, y de magar.

El Veranu Lliterariu va cuntar cola presencia d'escritores como Xurde Fernández, Daniel García Granda, Esther García, Xesús González Rato, Rafa Valdés, Vitu Pintado, Iris Díaz y ACD. Los alcuentros van facese tolos llunes de xunetu y agostu na biblioteca pública de Les Vegues/Las Vegas n'horariu de les 11:30 a les 12:30 hores, y nellos va facese un esfuerzu por mostrar la diversidá y pluralidá de la lliteratura asturiana d'anguaño. L'asistencia ye llibre y de baldre