CURSU AVANZÁU DE LLINGUA ASTURIANA

El Ayuntamiento

(04/10/2017)

CURSU AVANZÁU DE LLINGUA ASTURIANA

Ábrese'l plazu pa inscribise nel "Cursu Avanzáu de Llingua Asturiana" que va comenzar les sos sesiones el martes 24 d'ochobre. Hasta esi día la xente adulto interesao va poder inscribise nél nos rexistros municipales.

El cursu, que quier ser un mecanismu d'afondamientu nel conocimientu y deprendimientu de la gramática asturiana y otres cuestiones más del idioma pero tamién una manera d'acercase a la cultura asturiana, va ser impartíu pol técnicu responsable del Serviciu de Normalización Llingüística de Corvera.

El cursu, de calter gratuitu y con una duración de venti hores, va desarrollase en sesiones de dos hores tolos martes, n'horariu de 18 a 20 hores. Les sesiones del cursu, qu'empiecen el martes 24 d'ochobre y que van acabar el martes 19 d'avientu, van facese nel Aula 2 del Centru Sociocultural de Las Vegas/Les Vegues.

Los conteníos del cursu son los que s'indiquen de siguío:

        -Repasu de les normes ortográfiques;

        -Gramática de la llingua asturiana;

        -Situaciones comunicatives, escrites y orales;

        -Traducción;

        -Actitúes y prexuicios llingüísticos, qué son y cómo funcionen;

        -Manifestaciones artístiques n'asturianu.